Телата на двете девојчиња биле пронајдени во канал во Флорида, а полицијата работи на нивно идентификување. Полицијата прво добила извештај во вторникот за тело што лебди во канал во градот Лодерхил, изјави за ABC News денес полицаецот Мајкл Сантијаго од полициската станица во Лаудердајл.

Полицијата на тоа место пронашла тело на девојче помало од 13 години.

Властите се обидуваат да утврдат дали пронајдената девојка живеела во областа, но досега никој не одговорил со информации, рече Сантијаго.

Синоќа полицијата добила друга пријава, за тело на друга девојка, приближно на иста возраст, и го нашла нејзиното тело во истиот канал, но подалеку од север.

Засега не се познати причините за смртта на девојчињата, рече Сантијаго, додавајќи дека никој не го пријавил нивното исчезнување.