Тајланѓаните побрзаа на изложбата на канабис во време кога и понудата и побарувачката за растението растат откако владата го одобри неговата употреба во храната и други производи.

Владата за време на викендот одржа конвенција во провинцијата Бурирам, на североисток од земјата, за да ја едуцира јавноста за употребата на канабис и неговиот економски потенцијал. На посетителите им беа понудени сладолед и пијалоци направени од коноп.

Индустрискиот коноп е род на канабис кој има поголема концентрација на ЦБД, соединение кое не е психоактивно и ниско ниво на психоактивен ТХЦ.

„Гања е sвезда во подем што ќе го подобри квалитетот на нашите животи и ќе ни врати пари во паричниците, во економија што ќе биде подобра од порано“, рече Адид Саридеечаику, директор на агенцијата за јавно здравје „Бурирама“ и организатор на настанот  „Канабисот 360 “ , користејќи го локалното име за коноп.

„Тоа ќе донесе добар квалитет на живот и на нас и на државата“, додаде тој.

Тајланд го промовира канабисот како земјоделска култура, а државната фармацевтска компанија најави дека ќе купи канабис со 12 проценти CBD за 1,5 илјади американски долари.

Законот дозволува седум лица да се приклучат на селска соработка и да поднесат барање за дозвола за производство на коноп.

Тајланд има традиција да користи канабис во медицината и во 2017 година ја легализираше марихуаната за здравствени цели и за истражување за зголемување на приходите од земјоделството.

„Во тајландскиот менталитет треба да се додаде канабис во вкусна супа со јуфки и говедско месо“, рече сопственикот на локалниот ресторан Ситчичан Вутифонкун.

„Канабисот не само што ќе го зголеми прометот на нашите ресторани, туку и на целата економија. Луѓето ќе сакаат да го пробаат, од храна до козметика“.