СЗО со изненадувачко сознание: Ретко асимптоматичните случаи може да пренесат коронавирус
Кога луѓе кои немаат симптоми за ковид-19 се следат подолг период за да се види дали ја шират заразата, има многу малку случаи на ширење.
Светската здравствена организација верува дека „ретка“ појава е ширењето на коронавирусот од луѓе без симптоми и покрај предупредувањето на бројни експерти од светот дека таков облик на пренос на заразата е почест и можно е да објасни зошто толку е тешко да се сузбие пандемијата.
Марија ван Керхове, техничка шефица на СЗО за ковид-19 рече пред новинарите дека многу земји пријавувале случаи на ширење на заразата од луѓе кои се асимптоматични или кои немаат клинички симптоми. Но кога од неа беше побарано да пружи повеќе детали за тие случаи, таа рече дека се утврдило дека многу од нив имаат благ облик на болеста или невообичаени симптоми.
Иако здравствените власти од земјите како што се Велика Британија, САД и други предупредија дека ковид-19 се шири од лица без симптоми, СЗО наведува дека ваквиот вид на ширење на заразата не е тоа што ја поттикнува пандемијата, и веројатно претставува најмногу околу шест отсто од ширењето на инфекцијат.а
Ван Керхове рече дека врз основа на податоците од поединечни земји, кога луѓе кои немаат симптоми за ковид-19 се следат подолг период за да се види дали ја шират заразата, има многу малку случаи на ширење.
„Константно ги набљудуваме овие податоци и се обидуваме да добиеме повеќе информации за вистински да одговориме на тоа прашање. И натаму изгледа ретко асимптоматични поединци навистина натаму да ја пренесуваат заразата“, истакна Керхове.