Светската здравствена организација (СЗО) објаснила на страницата на Мит Бустер (Myth Busters) објаснила кои информации за тоа како се пренесува коронавирусот и како се лечи истиот неточни и предупреди за опасни одредени методи кои во јавноста се препорачуваат од кога запоќна пандемијата.

СЗО истакнува дека моментално нема лекови кои имаат дозвола за лекување или превенција на коронавирусот.

– Иако во тек е испитување на неколку лекови, моментално нема докази дека хидроксихлорокинот или било кој друг лек може да ве излекува или да спречи појава на Ковид-19. Злоупотребата на хидроксихлорокинот може да предизвика сериозни несакани нус ефекти и болести, а може и да биде смртоносен – се предупредува на сајтот.

Никако да не внесувате дезинфекциски сретства во телото

Се предупредува и дека прскањето и нанесувањето на избелувач или на друго дезинфекциско сретство во телото не штити од Ковид-19 и може да биде опасно.

– Ниту под кој било околности не внесувајте избледувач или кое било друго дезинфекциско сретство во телото/ Тие материи можат да бидат отровни ако се испијат и може да предизвикаат иритација и оштетување на кожата и очите. Избледувачот и дезинфекциското сретство треба внимателно да се користи само за дезинфекција на површината – пишува на сајтот.

Истото се однесува и на пиење на метанол или етанол.

– Метанол, етанол и избледувач се отрови. Нивното пиење може да доведе до инвалидитет или да ве усмрти. Тие течности нема да го убијат вирусот во вашето тело, а само ќе ги оштетат вашите органи – истакнуваат од СЗО.

Корона имаат и земји кои немаат 5Г мрежа

Понатаму се негира тврдењето дека вирусите се шират со помош на радио таласи или преку мобилните мрежи и потсетува дека Ковид-19 се шири и во многу други земји кои немаат 5Г технологија. Според пишувањето на СЗО, лажна е информацијата дека со изложеноста на сонце или на температура поголема од 25 степени се спречува заразување од коронавирусот. Потсетуваат дека и во некој земји каде преовладува топлото време е присутна оваа болест. Сајтот ја отфрла теоријата дека домашните муви го пренесуваат Корона вирусот.

– Вирусот кој го предизвикува ковид-19 се шири пред се преку капките настанати од инфицираната личност која кашла, кива или збори – објаснуваат од СЗО.

Окажуваат и на тоа дека внесувањето на бибер или лута пиперка во исхраната не се спречува или не се лечи ковид-19.

– Најдобра заштита од овој вирус е да се држите најмалку еден метар одалеченост од другата личност и често да ги миете рацете – истануваат од СЗО.