Дуелот меѓу Арсенал и Челзи без сомнение ќе привлече огромно внимание, а „суперкомпјутерот“ кој се користи за прогноза на победникот, предвидува кој ќе триумфира на оваа пресметка.

Финалето за титулата меѓу Арсенал и Челзи во Лига Европа ќе се одигра на 29 мај на Олимпискиот стадион во Баку, Азербејџан.

„Суперкомпјутерот“ му дава поголеми шанси на Челзи (60%) за кој смета дека ќе биде новиот шампион во Лига Европа, гледајќи ги сите сегменти и резултати сезонава.

Од друга страна, пак, за „топчиите“ оваа средба е позначајна, откако не успеаја да обезбедат пласман во ЛШ преку Премиерлигата, па со победа над Челзи би биле петтиот англиски тим во елитата наредната сезона.

И светските обложувалници исто така им даваат предност на фудбалерите на Маурицио Сари. Последниот и единствен трофеј лондонските „сини“ во Лига Европа го имаат во 2013 година.