Судењето за убиецот од Младеновац ќе продолжи во Белград

Убиецот Урош Б. изврши масовно убиство кај Младеновац/ Фото: AA/ABACA / Abaca Press / Profimedia

Во Вишиот суд во Смедерево денеска поради инцидент беше прекинато рочиштето за случајот за минатогодишното масовно убиство во Дубона и Мало Орашје, по што е одлучено процесот да продолжи во Белград пред Специјалното одделение за организиран криминал, јави ТВ Н1.

-Датумот ќе биде одреден подоцна, изјави за медиумите Немања Перовиќ, адвокат на оштетениот Немања Илиќ, кој тогаш беше ранет.

Во судницата во Смедерево претходно се случи инцидент, па осомничениот за тоа кривично дело Урош Блажиќ беше изнесен од судницата. Во судницата се појавил со својот татко во панцир, а ги донеле десетина полицајци, пишува сајтот на таа телевизија.

Веднаш штом Блажиќ влегол во судницата, кон него нафрлиле родители на убиените по што полицијата го извадила од судницата. Брза помош интервенирала кај неколкумина од родителите на убиените.

Блажиќ е обвинет за убиство на девет и ранување тринаесет лица во селата Мало Орашје и Дубона на 4 мај 2023 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот