Екипата на Беласица ја продолжува битката за опстанок и по триумфот во градското дерби против Академија Пандев. Беласица дури во четвртиот обид, со головите на Дробаров и на Георгиев дојде до првата победа во дуелите со Академија Пандев и што е поважно ја продолжи битката за опстанок со Силекс кој исто така победи на домашен терен.

Силекс благодарение на голот на Георгиев во второто полувреме дојде до минимален триумф над Работнички.
На победничките патеки се врати и Вардар, по три нерешени натпревари, победен е тимот на Ренова со 2:0. Головите за „црвено-црните“ беа дело на Најдовски и на Жуниорс со што успеаја да и се реваншираат на Ренова за убедливиот пораз од 0:4 во првото пролетно коло.

Лидерот на табелата, Шкендија со 4:2 ја победи Македонија ЃП и дојде на девет бодови од освојување на шампионската титула.

Резултати од 29 коло:
Вардар – Ренова 2:0
Шкендија – Македонија ЃП 4:2
Академија Пандев – Беласица 0:2
Силекс – Работнички 1:0
Победа – Шкупи 0:3

Табела
1. Шкендија 66
2. Вардар 54
3. Академија Пандев 47 (-1)
4. Шкупи 39
5. Работнички 39
6. Ренова 36
7. Македонија ЃП 35
8. Силекс 31
9. Беласица 27
10. Победа 20 (-1)