Дамјан Стојановски се обврза да го носи „сино-белиот“ дрес и во следните две години.

На тој начин и официјално популарните „штркови“ почнаа со формирање на тимот за новата натпреварувачка сезона.

Зад македонскиот репрезентативец е можеби најдобрата сезона во кариерата и тоа со просек од 14,8 поени, четири скока и 1,6 асистенции на 22 средби во АБА2 и од 15,3 поени, 4,8 скока и 2,1 асистенции на 15 средби во домашната Прва лига.

Во неговата кариера има пет пет шампионски титули (2013, 2014, 2015, 2016 и 2019 година) и шест трофеи во Купот на Македонија (2007, 2009, 2013, 2014, 2016 и 2018), а четири пати беше избран за најкорисен МВП-играч во финалните серии од домашното првенство.

Од претходно е познато дека и тренерот Ѓорѓи Кочов го обнови договорот со „металците“.