Војдан Стојановски придонесе во победата на Олденбург со 11 поени за скоро 14 минути игра на паркетот (2/3 од поле, 1/1 за три поени, 4/4 од слободните фрлања).

Најефикасен на дуелот беше Камингс со 34 поени, следен од Полдинг (20) и Махалбашиќ (14), а во поразените редови Џексон постигна 21 кош.

Се водеше рамноправна битка во текот на првите три четвртини, а последната која се покажа и како клучна ја добија домашните кошаркари со 28:14.

Вториот меч тимот на Олденбург ќе го игра во вторник кога домаќин ќе биде Бон.