Американскиот Стејт департмент го осуди скандирањето за воените злосторници и ја поздрави реакцијата на властите за инцидентот кој се случи во неделата на фудбалскиот натпревар меѓу Нови Пазар и Партизан.

„Скадирањето за воени злосторници и геноциди се неприфатливи. Ја поздравуваме реакцијата на надлежните кои овозможија натпреварот безбедно да продолжи“ изјави неименуван потпарол на Стејт департментот за Глас Америке.нет.

Слична реакција имаше и од Европа. Потпаролката на Европската комисија Ана Писонеро Хернандез истакна дека ЕУ има принципиелен став за потребата од помирување и начинот на толкување на настаните од воените периоди.

„Прославувањето на воените злосторници, ревизионизамот и негирањето на документираните и утврдени факти за воените случувања, вклучувајќи го и злосторството, се во спротивност со нашите најосновни европски вредности“ изјави Писонеро Хернандез за Глас Америке.

Таа додаде дека е потребно да се даде почит на загинатите во војните и да се промовира демократијата, правдата и мирот на западен Балкан.

ВИДЕО: Мечот Нови Пазар-Партизан беше прекинат поради скандирање на воен злосторник