Според студијата на Бренд Фајнанс, стадионот на Тотенхем е прогласен за најдобар на светот.
На второто место се најде уште еден стадион во Англија, тоа е Вембли, додека домот на Барселона „Камп Ноу“ е на третото место.

Меѓу најдобрите 40 стадиони на светот нема ниту еден стадион од регионот на поранешна Југославија.
Стадионите беа оценувани по неколку параметри – интерес на навивачите, приходи на денот на натпревар, комерцијални активности и преноси како и влијание на тоа што се случува на теренот, односно можност да се создаде ефект на „12 играч“.

Во топ 10 најдобри стадиони се најдоа уште и „Мерцедес-Бенц“ стадионот во Атланта, „Принсипалити“ во Кардиф,  „Сантијаго Бернабеу“ во Мадрид, „Велтинс Арена“ во Гелзенкирхен, „Местања“ во Валенсија, „Алијанц Арена“ во Минхен и „Енфилд“ во Ливерпул.