Според бројот на инсталирани камери на 1.000 жители: САД се лидери со 152 уреда пред Кина и Русија кои имаат по 93
Русија е на трето место во светот, по Кина и САД, по бројот на инсталирани камери за видео надзор, објави руската новинска агенција ТАСС. Според студијата на информатичко-аналитичката агенција „Телеком дејли”, во Русија на 1.000 луѓе се инсталирани 93 камери.
По бројот на инсталирани камери на 1.000 луѓе, САД се лидери во светот со 152 уреда, пред Кина со 93 камери.
Во Русија има 13,5 милиони камери, во Кина 200 милиони, а во САД – 50 милиони камери.
Видео-надзорот и складирањето на податоци се една од најразвиените области на ИТ. Заработката од видео-надзор во минатата година изнесуваше 1,55 милијарди долари, а до крајот на годината се очекува да се искачи на 1,83 милијарди долари.