Спасовски: Го сузбиваме сајберкриминалот – Одделот за компјутерски криминал на МВР на ниво на техника и кадри се унапредува
Дали Македонија е подготвена за сајбер напади и информативна војна бидејќи Македонија е цел на Русија како непријателска земја, како што рече и рускиот амбасадор, министерот за внатрешни работи Оливер Спасовски за Утрински брифинг вели дека многу малку време и енергија се искористи во изминатиот период за сајбер нападите.
-Со државите партнери со кои соработуваме малку време се посветуваше на сајбер нападите. Сега веќе се дискутира и сите сериозно гледаат на овие напади на кои и ние бевме изложени со напади на неколку државни органи. Одделот на компјутерски криминал на МВР на ниво на техника и кадри се унапредува и вложувавме во човечкиот потенцијал. Во делот на ИТ тешко се задржуваат луѓето тука. Мислам дека во делот на институциите и стопанството од сајбер напади имаме голем напредок. Обидите за напад на МОН и слично беа успешно спречени, вели Спасовски.