Совет што вреди колку злато од кралот на инвестициите Ворен Бафет
Инвестициската икона Ворен Бафет честопати советувал едноставен пристап кон инвестирањето што може да му помогне на секого да започне. Иако многумина се чувствуваат несигурно или мислат дека немаат доволно пари, неговото решение ги таргетира токму тие пречки. Повеќе од една третина од Американците не поседуваат акции, а ново истражување од BlackRock ги открива клучните причини зошто луѓето го избегнуваат берзата. Во извештајот „Луѓе и пари“ објавен во четврток, BlackRock вели дека најчестите причини се недостаток на пари, чувство дека не знаат доволно за инвестирање и страв од губење.
Препорачано
Сите овие причини се разбирливи – никој не сака да ги ризикува своите тешко заработени пари. Сепак, постои еден едноставен совет од Ворен Бафет кој ги решава сите тие проблеми: инвестирајте во индексен фонд S&P 500, производ кој ги следи перформансите на околу 500 од најголемите американски компании.
Во писмо од 2017 година до акционерите на Беркшир Хатавеј, Бафет рече:
„Со текот на годините, честопати ме прашуваа за инвестициски совет, и одговарајќи на тие прашања, научив многу за човековото однесување. Мојата редовна препорака беше нискобуџетен индексен фонд S&P 500.“
Многумина мислат дека се потребни илјадници евра за да се започне со инвестирање. Всушност, постојат многу прифатливи опции. Некои фондови имаат ниска цена на акциите, а многу платформи нудат и купување на делумни (фракциони) акции. Ова значи дека можете да инвестирате колку што имате, без оглед на цената на акцијата.
Инвестирањето мали износи може да изгледа незначително, но клучот е да се создаде навика и да се започне процесот. По неколку години редовни плаќања, благодарение на ефектот на сложената камата (кога вашата заработка сама по себе генерира дополнителна заработка), ќе изградите значителна сума.
Финансиските пазари може да изгледаат застрашувачки, но штом ќе почнете, сè станува полесно. Убавината на инвестирањето во индексен фонд е во тоа што не треба да знаете многу за инвестирање. Вашите пари седат пасивно во диверзифицирана група акции со години, следејќи го општиот раст на пазарот. Не мора да избирате индивидуални „победници“ или да ги следите дневните вести- пишува Телеграф.
