Акциите на Apple се намалени за 3,3% досега во јануари, во споредба со растот на акциите на „Мајкрософт“ од 1,8%. Падот на „Епл“ следеше по серијата намалувања и зголемена загриженост дека продажбата на iPhone, најпрепознатливиот производ на компанијата, ќе остане слаба, особено на нејзиниот клучен пазар во Кина.

„Кина би можела да биде пречка за перформансите во наредните години“, се вели во белешката до клиентите на брокерската куќа Redburn Atlantic вчера, посочувајќи на обновената конкуренција од Huawei и кинеско-американските тензии кои го зголемија притисокот врз „Епл“.

Акциите на „Епл“, чија пазарна капитализација достигна врв од 3,081 трилиони долари на 14 декември, минатата година ја завршија со добивка од 48%. Тоа беше пониско од зголемувањето од 57% од „Мајкрософт“, која објави алатки за генерирање на вештачка интелигенција (AI) во 2023 година благодарение на поврзаноста со OpenAI, производителот на ChatGPT.