Скопските ковид-центри со 34 хоспитализации за 24 часа: Вкупно се лекуваaт 286 пациенти, има 119 слободни кревети
Во изминатите 24 часа во ковид-центрите во Скопје се хоспитализирани 34 нови пациенти поради компликации од коронавирусот. Вкупно 286 потврдени и суспектни лица за ковид-19 се лекуваат на инфективните оддели во главниот град, соопшти Министерството за здравство (МЗ).
Во последното деноноќие, на интерните клиники имало 11 приеми. Во ковид-центарот во ГОБ „8 Септември” имало 15 нови приеми на пациенти, а на Инфективната клиника 10 во текот на вчерашниот ден. Во изминатите 24 часа се пуштени 35 оздравени пациенти.
Во моментот во ковид-центарот на Клиниката за кожни болести се лекуваат 20 пациенти, на Клиниката за неврологија – 22, а на Институтот за ТБЦ се примени вкупно 17 пациенти со симптоми на коронавирусот. Во ковид-центарот на Клиниката за нефрологија моментно се сместени 18 пациенти додека на Клиниката за гастроентерохепатологија лежат 16 пациенти.
Во ГОБ „8 Септември” има вкупно 95 болни, а на Клиниката за инфективни болести лежат 78 пациенти, додека во Институтот за белодробни заболувања кај деца Козле има 19 пациенти. Вкупно 286 пациенти потврдени и сомнителни за ковид-19 се лекуваат на инфективните оддели во болниците во главниот град. Голем дел од пациентите се на кислородна поддршка.
Бројот на приеми во изминатите денови е стабилен и изутрината до 8 часот имало 119 слободни места.