Во група на Телеграм дилери од Србија нудат лотарија и достава: Попуст за тие што првпат купуваат дрога од кај нас
Сканк 3 грама за 27 евра, кокаин 98 проценти чист, услуга за достава на територија на Стари Град, Врачар, Звездара, е само дел од она што го има во групата „Телеграм“ каде се рекламира и продава дрога.
На чет мрежата Телеграм во Србија се појави нова група наречена „BoysProblemsClubBeograd“, која нуди дрога на продажба. За скандалот да биде уште поголем, на автобуската станица е закачена реклама за таа група, а на неа има шифра преку која се влегува.
Во огласот пишува дека се нудат сканк, потоа, марихуана, кокаин, печурки..
На самиот влез во групата, на Телеграм пишува дека ова е првата даркнет продавница и дека работат по „deaddrop методот“, кој е специфичен за дарк веб продажбата.
На Фејсбук кружи и групата „Drop Cartel 021“ која е задолжена за продажба на територијата на Нови Сад.
Оваа втора реклама објаснува што значи dedaddrop, а тоа е дека дрогата е скриена на некои места, како под карпа, во грмушка и клиентот ја добива локацијата и оди и ја зема.
Така, за делови од Белград, купувачите на дрога мора да издвојат 4,2 евра, додека за градовите како Нови Сад и Ниш, каде што одат дилерите, мора да издвојат 20 евра за нарачки поголеми од 20 грама наркотици.
Овој систем започна со појавата на дарк веб, а полицијата најде начин да им ги „скрши“ системите за заштита.
На властите им останува да спроведат истрага за овие групи на Телеграм.