Одложено е судењето за „Транспортер“ за 23 септември. Во Кривичниот суд утрово пристигнале две барања за одлагање на денешната главна расправа.

Едното од СЈО, другото барање за одлагање стигнало од републичкото обвинителство. Ова одлагање доаѓа на ист ден кога Советот на јавните обвинители има закажано седница за враќање на обвинителите на СЈО во матичните обвинителства.

Во судница не присуствуваше обвинителот кој го води случајот за „Транспортер“, обвинетиот Љупчо Стефановски е на боледување, а судијката Добрила Кацарска ќе провери од што боледува, бидејќи долго време се нема појавено на главна расправа.

Во „Транспортер“ првообвинет е поранешниот градоначалник на Битола Владимир Талески.