Симиќ: Ние сме нова екипа, неискуството ни пресуди

Работнички загуби од МЗТ Скопје во Суперкупот кој го носи името „Драган Василов Цевка“/ фото: КФСМ

Тренерот на Работнички, Тони Симиќ е разочаран што неговите кошаркари не го совладаа МЗТ Скопје Аеродром, но во исто потенцира дека ова е нов тим на кој ќе му биде потребно време да се воигра.

– Пред сè, ова беше добар натпревар, а со оглед на тоа што ова беше прв официјален меч за нас по целосната реорганизација, јас сум презадоволен од момците за она што го прикажаа во овој Суперкуп. Ние сме нова екипа и сметам дека клучно беше нашето неискуство и на моменти невоиграност. Нè очекува тешка и напорна работа, но се надевам дека сме на добар пат и дека во иднина ќе биде уште подобро. Треба да извадиме поуки од нашите грешки, но ништо не е изгубено и продолжуваме со крената глава. Играме без притисок, со желба постојано да напредуваме- изјави Симиќ по натпреварот.

Видео на денот