Фудбалерите на Барселона денеска ќе гостуваат на стадионот „Метрополитано“ од 21.00 часот, каде што ќе се обидат да ја надоместat негативата од 2:0 од првиот натпревар од четвртфиналето на Лигата на шампионите против Атлетико Мадрид.

Пред натпреварот, играчот на Барселона, Ламин Јамал ​​се пожали на начинот на кој Атлетико се обидува да го спречи, истакнувајќи дека тренерот на Атлетико Мадрид, Диего Симеоне често користи повеќе играчи за да го неутрализира.

– Ќе видиме дали Диего Симеоне ќе ми направи услуга и ќе ме остави еден на еден со некој од неговите играчи. Искрено се надевам на тоа – рече младиот играч на Барселона.

Секако, оваа изјава брзо стигна до тренерот на Атлетико, а неговиот одговор беше во неговиот препознатлив, остар стил.

– Ако сака да игра еден на еден, може да оди да игра тенис – рече Симеоне.

Од Атлетико се очекува да игра солидно и дисциплинирано во реваншот, со акцент на одбраната, со цел да ја зачува предноста од првиот натпревар.

– Знаеме што ни треба и ќе играме на начин што ќе ни обезбеди да продолжиме понатаму. Ги познаваме нашите противници многу добро, свесни сме за нивните квалитети, но нашата цел е исто така јасна – да се пласираме во следната фаза – се зборовите на тренерот на Атлетико.