Американскиот актер Арнолд Шварценегер (76) неодамна откри дека имал итна операција на срцето и дека му бил вграден пејсмејкер.

Тој сега се огласи на својот инстаграм-профил и им се заблагодари на сите за зборовите за поддршка, но нагласи и дека наскоро ќе се врати на снимањето на серијата „FUBAR“.

„Добив многу убави пораки од целиот свет, но многу луѓе ме прашуваа дали пејсмејкерот ќе ми направи проблеми со втората сезона на ‘FUBAR’. Воопшто не. Ќе бидам подготвен за снимање во април“, напиша актерот со својата фотографија.

Холивудскиот актер глумеше во првата сезона на оваа серија на Нетфликс, за пензиониран оперативец на ЦИА кој открива семејна тајна и е принуден да се врати на теренот за една последна задача.

Покрај него, во серијата глумат и Моника Барбаро, Апарна Бриеле, Милан Картер, Тревис Ван Винкл и Енди Бакли.