Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„Under the Tuscan Sun“ – филм на Нетфликс

Френсис Мејс, 35-годишна писателка од Сан Франциско, се разведува што ја турка во депресија. Подоцна, таа решава да купи куќа во Тоскана за да си го промени животот.

Жанр: романса/комедија / „IMDB“ оценка: 6.7 / „Rotten Tomatoes“ рејтинг: 62%

„From Scratch“ – серија на Нетфликс

Ејми Вилер е американска студентка која студира во Фиренца, Италија. Таму го запознава шармантниот сицилијански готвач Лино, кој станува нејзината најголема љубов. Кога Лино ќе се соочи со тешка болест и иднината на двојката ќе биде загрозена, нивните семејства се здружуваат.

Жанр: драма / „IMDB“ оценка: 7.9 / „Rotten Tomatoes“ рејтинг: 86%

„Wonka“ – филм на Ејџ-би-о

Чудесна приказна за тоа како најголемиот светски пронаоѓач, магионичар и подготвувач на чоколади, стана саканиот Вили Вонка што го знаеме денес.

Жанр: семеен/фантазија / „IMDB“ оценка: 7.1 / „Rotten Tomatoes“ рејтинг: 82%

„The Regime“ – серија на Ејџ-би-о

Со Кејт Винслет во главната улога, оваа мрачно комична лимитирана серија следи една година во современ авторитарен режим кој почнува да се распаѓа.

Жанр: драма / „IMDB“ оценка: 6.2 / „Rotten Tomatoes“ рејтинг: 58%