Владата на Србија на крајот на ноември го продолжи времетраењето на Регулативата за ограничување на цената на лебот „сава“ на 53,5 динари за уште три месеци, со што цената на овој основен прехранбен производ е стабилна. Но, цените на останатите пекарски производи постојано се зголемуваат, а наместо 120, љубителите на бурекот сега за овој производ плаќаат 180 динари. Поскапеа и сите видови леб, чии цени не се контролирани од државата.

Речиси во сите белградски пекари омилените производи на потрошувачите поскапеа за најмалку десет динари, а ситуацијата не е подобра ниту во другите градови. Претседателот на Сојузот на пекари во Ниш, Братислав Вукадиновиќ изјави дека пекарите во Ниш ја приспособуваат цената на своите производи за пет до 10 проценти на секои дваесет дена.

„Линеарно поскапува се, „комерцијалниот“ леб, бурек, пециво. Четвртина бурек на почетокот на годината беше 120 динари, па 130, летово беше 150, па 160 динари, а сега е 180 динари“, рече Вукадиновиќ, објави Нова рс.

Според него, пекарите во Ниш повеќе не се договараат за цените на нивните производи со Сојузот на пекари, туку ги зголемуваат оние што „чкрипат“ и кои не можат да ги покријат трошоците за суровини. Пекарите во Ниш посочуваат дека се на пазарот и мора да се однесуваат пазарно. „Ние цените ги прилагодуваме минимално за да не изгубиме муштерии, иако се забележува дека луѓето купуваат помалку печива, додека лебот сакале или не мора да го купуваат. Не би ги покачиле цените доколку материјалот од извештајот не поскапе. Лани во ова време цената на домашната маст беше 150 динари, сега е 400. Зрелото кравјо сирење беше 350, сега е 750 динари“, вели сопственик на пекара во Ниш.