Шок: Елмас е позитивен на корона
Македонскиот репрезентативец е позитивен на коронавирус и нема да настапи на полуфиналниот бараж натпревар од Лигата на нации против Косово кој може да не донесе само еден чекор од Европското првенство.
Оваа шокантна информација доаѓа од Неапол каде тимот на Елмас, Наполи потврди дека македонскиот репрезентативец е позитивен на коронавирус.
Durante l’elaborazione degli ultimi 4 tamponi, è risultato positivo al Covid-19 il calciatore Elif Elmas.
— Official SSC Napoli (@sscnapoli) October 3, 2020
Италијанскиот тим вчера објави дека сите фудбалери беа тестирани и нивните резултати беа негативни откако по минатонеделниот натреварот против Џенова, тимот на Горан Пандев објави дека дури 14 фудбалери и членови на стручниот штаб се позитивни на коронавирус. Но, денеска тимот објави дека Елмас е позитивен, а се чекаат резултатите од уште тројца играчи.
Позитивниот тест на Елмас е огромен удар да селекторот Игор Ангеловски бидејќи играчот на Наполи е еден од носителите на играта на репрезентацијата и затоа позитивниот тест на Елмас доаѓа во најмалку посакуваното време.