Руската воена инвазија врз Украина предизвика потрес и во светот на фудбалот, а украинскиот тим Шахтјор планира да ја тужи Светската фудбалска федерација (ФИФА) поради одлуката да им овозможи на фудбалерите и тренерите кои се дел од руските и украинските екипи да можат да си заминат од тимовите поради војната.

ФИФА претходно донесе одлука со која фудбалските екипи во Русија и во Украина не успеат да најдат заеднички јазик со странските фудбалери пред 30 јуни годинава, играчите и тренерите да можат да ги суспендираат договорите на една година.

Но, оваа одлука не беше добро прифатена во Шахтјор, кој заедно со Динамо Киев се најдобрите и најтрофејните украински екипи.

Поради одлуката да се суспендираат договорите со странските фудбалери, медиумите шпекулираат дека Шахтјор планира да ја тужи ФИФА и ќе бара 50 милиони евра финансиска компензација.

– Никогаш не сакам да ги мешам политиката и спорт, но овој пат мислам дека руските клубови не треба да играат во европските натпреварувања. Ниту еден Украинец не заслужи да страда како сега. Русија е агресор и терорист, тие ни ги убиваат децата и пријателите – изјави Дарио Срна,  поранешен фудбалер, а сега спортски директор на Шахтјор.

Во Шахтјор се гневни бидејќи руската Премиер лига се игра без проблеми додека украинската е суспендирана, а згора на тоа Шахтјор домашните натпревари во европските клупски натпреварувања ќе ги игра во Полска.