Северна Кореја истрела балистичка ракета
Северна Кореја денеска истрела балистичка ракета кон морето во близина на нејзиниот источен брег, соопшти Здружениот генералштаб на Јужна Кореја.
Овој потег на Северна Кореја доаѓа пред претстојните заеднички вежби на САД и Јужна Кореја во Вашингтон следната недела.
– Северна Кореја истрела неидентификувана балистичка ракета во Источното Море, изјави началникот на здружениот генералштаб на Јужна Кореја, мислејќи на морската територија позната и како Јапонско Море.
Јапонската крајбрежна стража исто така соопшти дека Северна Кореја истрелала балистичка ракета.
Лансирањето дојде еден ден откако севернокорејското Министерство за надворешни работи се закани дека ќе преземе „невидено“ силна акција против Јужна Кореја, откако таа ги објави планираните воени вежби.
