Уште еден случај на брутално насилство врз жени во семејството полицијата бележи во Кавадарци. Жител на градот ја тепал сопругата и ѝ се заканувал со остар предмет. Откако жената го пријавила случајот во полиција, насилникот добил забрана за приближување. Според пријавата, тој претходно поставил ГПС-локатор на автомобилот на сопругата.

Насилникот не е уапсен, туку полицијата со него „извршила службен разговор“.

„Во ОВР-Кавадарци денеска е извршен службен разговор со М.Б., 35-годишен кавадарчанец, постапувајќи по претходна пријава од неговата 36-годишна сопруга, дека во семејниот дом физички ја нападнал и ѝ се заканувал со остар предмет и дека во нејзиното возило поставил ГПС локатор. За ова попладнево информираа од Секторот за внатрешни работи – Велес“ соопшти МВР.

Локаторот бил одземен, а на М.Б. му била изречена мерка – забрана за приближување.

Ново сведоштво | Пред 12 години го пријавила убиецот на Росица во полиција: „Јас можев да бидам на нејзиното место“