Македонскиот репрезентативец Сефер Емини (24) го продолжи договорот со данскиот фудбалски клуб Сондерјиске за уште две сезони, па договорот сега важи до летото 2027 година.

Емини е среќен што ја продолжува соработката со клубот до сега одигра 57 натпревари и постигна 10 голови.

– Многу сум среќен што го продолжив договорот во Сондерјиске Фодболд. Една од главните причини зошто избрав да продолжам е одличната атмосфера што ја имаме во тимот и во клубот. Сега со нетрпение очекувам да играм 3F Суперлигата со Сондерјиске Фодболд, каде што ќе се обидеме да го продолжиме добриот развој што се случи во клубот.

Би сакал да ја искористам приликата да им се заблагодарам и на навивачите, кои верно ме поддржуваат откако дојдов овде, без разлика дали сум одиграл добар или помалку добар натпревар. Отсекогаш сум ја чувствувал нивната поддршка и се надевам дека заедно ќе имаме многу добри искуства во 3Ф Суперлигата – рече Емини за клупскиот сајт.

За Сондерјиске уште еден македонски интернационалец, Иван Николов кој има важечки договор до 30 јуни 2026 година.