Се сеќавате на пејачката Александра Пилева, која пред неколку години се пресели со своето семејство во Америка?

Веруваме дека повеќето од вас добро ја паметат, бидејќи зад себе остави неколку хитови кои се слушаат и денеска.

И таман кога решивме дека Пилева „расчистила“ со македонската сцена, се излажавме. Таа веќе некое време работи на својот албум кој треба да биде промовиран многу скоро.

– На албумот му се гледа крајот и се надевам дека во најскоро време ќе имате прилика да го слушнете. Ќе биде нешто скроз ново, поразлично од она што го оставив пред неколку години – изјави Пилева накусо за порталот „Еспресо.мк“.

Инаку еден од нејзините најголеми хитови кој го успеа пред десетина години е добро познатата „Нема утеха“.

Уживајте: