Се омажи Скарлет Јохансон: Глумицата по третпат реши да застане на „лудиот камен“
Глумицата Скарлет Јохансон минатиот викенд се омажи за американскиот комичар Колин Јост. 35-годишната глумица и комичарот решија двегодишната врска да ја крунисаат со брак.
Веста за венчавката е објавена на социјалните мрежи на хуманитарната организација „Meals on Wheels“, каде што се наведува дека парот се венчал на интимна церемонија на која присуствувале само најблиски членови на семејството и блиски пријатели.
За време на церемонијата се почитувале сите пропишани мерки за да се спречи ширењето на коронавирусот, а Скарлет и Колин им порачале на фановите кои ја прославуваат нивната венчавка тоа да го направат со донирање пари за хуманитарни цели.
„Нивна желба на венчавката беше да им помогнат на постарите лица во текот на ова тешко време“, пишува во објавата на страницата, во чиј опис се наоѓа линк за донација.
Скарлет Јохансон од 2008 до 20111 беше мажена за Рајан Рејнолдс, а од 2014 до 2017 година за новинарот Роман Дуријак, со кого ја има 6-годишната ќерка Роуз Дороти.
Магазинот „Форбс“ ја прогласи Скарлет за најплатена глумица во 2019 година, во текот на која заработила 56 милиони долари.