Откако во петокот на 13 декември ја ограбија Тамара Еклстон (35) се огласи и нејзиниот татко Берни Еклстоун (89), поранешниот прв човек на Формула 1 и ги изнесе своите сомнежи.

Берни се огласи во британските медиуми откако на неговата ќерка ѝ го украдоа накитот вреден 64 милиони фунти од нејзниот дом и кажал дека кражбата била многу добро организирана од крадците кои не можеле да се снајдат во куќа од 57 простории.

– Ги немам сите податоци врзани за истрагата, но ако земеме во обзир какво е обезбедувањето на Тамара, морам да претпоставувам дека ова го смислил некој од „внатре“. Ужасно е тоа што се случило, драго ми е само што семејството ми беше на пат – рекол Берни за британските медиуми по грабежот.

Вилата на Тамара е вредна 80 милиони евра и се наоѓа во Лондон во делот каде што се амбасадите на повеќето странски земји и поради тоа во областа константно има вооружени полициски патроли.

Дека и Тамара има исти сомнежи како татко ѝ, односно дека грабежот го смислил некој близок, потврди и со фотографија од мистериозен цитат од Библијата, која ја сподели на социјалните мрежи.