После ужасната несреќа следуваат убави денови…

Српската водителка Деа Ѓурѓевиќ, на која пред неколку месеци автобус и ја откина раката, со години е во складна врска со 20 години постариот колега Младен Мијатовиќ, а парот во недела ќе се венча пред семејството и најблиските пријатели, дознава српски „Ало!“.

Како што наведува извор близок на водителката, Деа судбоносното „да“ ќе го изговори два дена по нејзиниот роденден и со спектакуларна прослава во ресторан во Белград ќе ја крунисаат љубовта и ќе го прослават заедничкиот живот.

– Деа и Младен сфатија дека нема потреба да чекаат со венчавката и пред два месеци дојдоа на идеја дека би можеле да се венчаат на роденденот на Деа. По нејзината несреќа, сфатија колку се сакаат и колку нивната љубов е вистинска и дека не постои ниту една причина да го одложуваат бракот. На Деа предлогот на Младен во врска со венчавката исклучително и се допадна, после што почнаа до детали да организираат двојно славење, нејзиниот роденден и венчавката, како и на пријателите и семејствата да им ги соопштуваат убавите вести – раскажал изворот и открил дека Мијатовиќ не прашува колку чини, само неговата избраничка да биде среќна.

Изворот открил дека голема желба на Деа и било на нејзината свадба да пее Шако Полумента, бидејќи ги обожава неговите балади, при што таа лично го поканила, а тој со задоволство прифатил.