Се крои „трио од соништата“: Лејкерси со шампионски амбиции и во 2021 година!
После освојувањето на титулата, Лејкерси веќе размислуваат за наредната сезона, а според американските медиуми, на Леброн Џејмс и Ентони Дејвис, како трета голема ѕвезда во составот би требало да им се придружи Дерек Роуз, кој е моментно член на Детроит Пистонс.
Одредени НБА извори тврдат дека Лејкерси се во многу добра позиција да го ангажираат искусниот 32-годишен бек.
Роуз, најмладиот МВП во регуларниот дел од сезоната во историјата на НБА лигата, остави зад себе две тешки повреди и минатата сезона беше одличен.
Поранешниот член на Чикаго булс во просек имаше 18,1 поен, 5,6 асистенции, како и 2,4 скока по меч и докажа дека и натаму е во состојба да игра на високо ниво.
The Lakers could get scarier—and more entertaining—if they can land Derrick Rose. ? pic.twitter.com/W4KqecMFil
— ClutchPoints (@ClutchPointsApp) October 18, 2020