Повеќе од 1,6 милиони прашања пристигнале од граѓаните на Руската Федерација за емисијата „Година во преглед со Владимир Путин“, која ќе се емитува на 19 декември во 12 часот по московско време, пренесоа денеска руските медиуми, пренесе „Танјуг“.

Собирањето прашања за оваа емисија започнало на 4 декември во 15 часот по московско време и ќе продолжи до завршувањето на програмата.

„Годишен преглед со Владимир Путин: примени се повеќе од 1,6 милиони прашања. Оваа година, како и во 2024 година, апликацијата ГигаЧат ќе ги транскрибира прашањата за директната линија“, соопштија од Кремљ.

Во соопштението се наведува дека до денеска се примени 702.000 телефонски повици, 327.000 прашања преку Max Messenger, 262.000 СМС-пораки, 175.000 прашања преку социјалните мрежи, 61.000 прашања преку веб-страницата, 49.000 ММС-пораки и 20.000 прашања преку апликацијата, пренесува Танјуг.