Романо: Пандев нема да се пензионира, наскоро нов договор со Џенова
И денеска доаѓа нова најава дека македонскиот фудбалер нема намера ова лето да ја заврши фудбалската кариера, туку и следната сезона ќе биде активен на терените.
Во изминатиот период по завршувањето на Европското првенство италијанските медиуми неколку пати шпекулираа дека Горан Пандев се очекува да потпише нов договор.
Ова сега го тврди и експерот за трансфери, Фабрицио Романо кој на својот Твитер профил објави дека нашиот напаѓач ќе остане во Џенова до јуни 2022 година.
– Горан Пандев одлучи да продолжи да игра фудбал. Тој НЕМА да се пензионира и тој ќе се сретне со првите луѓе на Џенова во следните денови да потпише нов договор до јуни 2022. Пандев сака да го напушти фудбалот уживајќи уште една сезона со навивачи на стадионот – напиша Романо.
Како што е веќе познато Пандев на Европското првенство ја заврши репрезентативната кариера, лани успеа со клубот да обезбеди опстанок во Серија А каде што се надеваме дека и во сезоната 2021/2022 ќе уживаме во нови голови на Македонецот.
Goran Pandev has decided to continue playing football. He’s NOT retiring and he’s gonna meet with Genoa board in the next days to sign his new contract until June 2022. 🇲🇰 #Pandev
Pandev wants to leave football enjoying one more season with fans in the stadium. @SkySport
— Fabrizio Romano (@FabrizioRomano) July 23, 2021
