РЕКОРДЕН БРОЈ ЗАБОЛЕНИ: Флорида потврди 11.458 новозаразени со коронавирусот
Американската држава Флорида потврди рекордни 11.458 нови случаи на инфекција со коронавирусот, соопштија локалните здравствени власти.
Ова е вторпат за три дена бројот на новозарезени да надмине 10.000 на дневно ниво.
Новиот рекорд е забележан еден ден откако седум други држави пријавија рекорден број на новозаразени.
Како последица на коронавирусот, во САД досега починаа 130.000 лица.
Голем раст на заболени е регистриран во Северна Каролина, Јужна Каролина, Тенеси, Алјаска, Мизури, Ајдахо и Алабама.
Бројот на новозаразени во САД на дневно ниво, доцна синоќа, изнесуваше 53.483.