Речен вртлог повлече планинар во Калифорнија, спасен од минувачи (ВИДЕО)
На драматичната снимка објавена од калифорниските власти е фатен моментот како минувачи спасуваат 24-годишен маж, кој додека пешачел бил повлечен од речен вртлог во Калифорнија.
Планинарот го шетал подрачјето на „Ангелските водопади“ во округот Мадира, тој погрешно ја проценил брзината на реката и решил да премине низ неа, се вели во соопштението од Кабинетот на шерифот на округот Мадира.
-Струјата го совладала и го одвела во вител, кој го држел заробен“, соопшти полицијата, пренесува „Индипендент“.
Заглавен во вртлог
Неименуваното младо момче кое било заробено во вртлогот, е забележано од полицаец обучен за пребарување и спасување, кој вообичаено патролирал низ калифорниските автопати, а за време на слободниот ден тој се шетал со своето семејство низ истата патека.
Брент Донли ги искористил прерамките од ранецот, ги исекол и ги врзал со мали гранчиња за да може жртвата да ги фати.
Во видеото, се гледа како Донли и другите минувачи се обидуваат да го спасат планинарот.
-Секоја секунда прелеваше огромна количина вода. Тешко е дури да се замисли, изјави Донли за АБЦ Њуз во неделата.
Планинарот е спасен, а се здобил со полесни повреди.