Различно: Микс од старинска маса и модерни столови
Во дизајнирањето на куќниот декор се појави голем тренд – контрастни столови и маса.
Еден од најпопуларните начини за додавање шмек на просторот е комбинирање на ретро трпезариска маса со ултра-модерни столови, односно внесување во домот на многу контрастни парчиња мебел.
Доколку поседувате или можете да набавите рустична вонвременска маса, размислете да ја споите со префинето дизајнирани столови кои се обвиткани со сомот или друг материјал.
Предвид доаѓа и поставување на старинска маса со столови во различни бои.
Колку е поголема разликата меѓу компонентите на трпезариската маса, резултатот ќе биде дополнително повозбудлив.
Ако пак не сте доволно подготвени за контрастен и храбро дизајниран трпезариски комплет, можеби треба да се обидете со помеки транзициони бои. На пример, доколку сакате да имате побелена маса, додајте столови со бели постави или бојадисајте ги ногарките на масата во црна боја, дополнувајќи го комплетот со модерни црни столови што ќе се вклопуваат. Тоа е уште една идеја за додавање на контрастни комбинации.
Ако пак немате идентични столови за трпезариската маса или едноставно сакате еклектичен изглед, одлучете се за нееднаков дизајн на својот мебел. Наместете ја масата и со неа комбинирајте различни столови, некои модерни, некои ретро, гламурозни или наједноставни.
Исто така и нивните нијанси може да бидат потполно различни. Не плашете се да измешате се – постави, материјали, изглед и детали, затоа што таков стил има силна основа во модерниот дизајн.