Во Италија во фокусот на јавноста е Роберто Манчини кој ја напушти репрезентацијата на Италија за да седне на селекторското столче на Саудиска Арабија која го направи најплатен тренер во светот.

Манчини зборуваше дека проектот на Саудиска Арабија го убедил да ја прифати понудата, меѓутоа малкумина се оние кои веруваат во тие зборовиу. Саудијците Италијанецот го плаќаат 30 милиони евра годишно.

Свој коментар за целата ситуација даде и Клаудио Раниери по вчерашниот натпревар на Интер и неговиот Каљари.

„Да бидам искрен никогаш не би го направил тоа, повеќе сакам да имам мотивација отколку пари“, изјави Раниери за „ДАЗН“.

Овие зборови на Раниери можат да се потврдат и со неговото враќање на клупата на Каљари кој го презема како второлигаш и го врати во Серија А, иако имаше и побогати понуди од други клубови.