Исмет Рамадани, претседател на Евро-атлантскиот совет на Северна Македонија за Слободен печат, вели дека за жал, дури и кога станува збор за здравјето на луѓето од пандемиски размер, како што е ковид-19, ситуацијата се искористува за геополитички влијанија.

– Оваа опасна игра ја започна Русија од самиот почеток на откривањето на вакцината „Спутник“, а потоа Кина и САД се приклучија на оваа игра со ЕУ. Дури и дистрибуцијата на вакцини ширум светот зазеде геополитичка трка кои ќе влијае врз интересите насочени кон идеолошка доминација. Овие тенденции за глобална геополитика предизвикаа неправилна дистрибуција на вакцините во развиените земји. Сега се води дипломатска битка, служена со лажна пропаганда за ефикасноста и последици од вакцините, во зависност од тоа која компанија или земја ги произведуваа. Овој дипломатски феномен за геополитички интереси е на штета на поефикасната борба со ковид-19. Ние како држава го доживеавме ова, сè додека не ја разберевме оваа геополитичка игра – вели Рамадани.