Рајковиќ именуван за селектор на Казахстан
Македонскиот тренер Емил Рајковиќ денеска стана нов селектор на кошаркарската репрезентација на Казахстан.
Рајковиќ во последните две години е тренер на најдобриот тим од оваа земја, Астана, а наградата за одличните резултати кои ги постигнува на клупски план, дојде со именувањето за селектор на Казахстан.
– Среќен сум, бидејќи ова ќе биде мој прв предизвик како селектор на една сениорска репрезентација. Сакам да се заблагодарам на довербата од страна на федерацијата на Казахстан – изјави Рајковиќ по именувањето на селекторската функција.
Интересно е што Рајковиќ беше еден од кандидатите за наследник на Јорданчо Давитков за селектор на македонската кошаркарска репрезентација, позиција која сè уште е испразнета.
Во досегашната тренерска кариера беше и селектор на младинската репрезентација, но и тренер на Фени индустри, Работнички, МЗТ Скопје, Сласк Вроцлав, Стал Остров и Астана, а му беше помошник и на Александар Џикиќ во квалификациите за ЕП 2015 и исто така беше селектопр на младинската репрезентација.