УЕФА одлучи да остави крај на алчноста на екипите при  продажбата на влезници за гостинските навивачи.  Во изминатите неколку години навивачите често се жалеа на алчноста на домашните екипи во Лигата на шампионите околу цената на влезниците за гостинските фанови која одеше и преку 140 евра.

Токму поради тоа УЕФА објави дека постои максимална граница за цена на влезница за мечевите во ЛШ и ЛЕ и нема да смеат да  продаваат билети поскапо од одредената цена.

Според новата одлука на УЕФА, максималната цена за гостински навивачи во Лигата на шампионите ќе изнесува 70 евра, додека за Лигата на Европа, таа ќе биде 45 евра.

– Навивачите се душата на фудбалот и сите тие што сакаат да го гледаат својот клуб на гостувањата мора да добијат разумна цена на билет. Мора да ги почитуваме и трошоците за патувања – изјави претседателот на УЕФА, Александер Чеферин.