Основното јавно обвинителство Скопје до Кривичниот суд вчера поднесе предлог за изрекување на мерка задолжително психијатриско лекување и чување во здравствена установа за жител на скопското село Чајле, кој е обвинет  за убиство.

Во предлогот пишува дека тој 31 декември лани, во семејниот дом во село Чајлане, во состојба на непресметливост поради трајна душевна болест – параноидно растројство, при семејно насилство, со умисла го убил братот.

Истрагата утврдила дека двајцата браќа прво се расправале. Во еден момент сега обвинетиот од џебот извадил нож и му нанел две сечни и три убодни рани во вратот на брат. Како резултат на брзото и обилно искрварување од вратните крвни садови, бил предизвикан недостаток на кислород во мозокот на оштетениот, на петти јануари ранетиот починал во болница.