Зошто Машинскиот факултет во Белград е една од најдобрите образовно-научни институции и зошто инженерите кои се школуваат таму најбарани во земјата и надвор од неа, ќе дознаете ако ја гледате репортажата за првиот српски суперавтомобил „raw“.

„Станува збор за првиот вистински спортски автомобил во Србија. И не само тоа. Ова возило, како што се наведува, ќе може да се регистрира за возење по пат. Го креирале младите експерти на Центарот за моторни возила Авто-мото сојуз на Србија. Меѓу нив се и тројца инженери со диплома од Машинскиот факултет во Белград – Трифун Миличевиќ, Раде Зечевиќ и Милан Царан“, се наведува на сајтот на Машинскиот факултет.

Директорот на компанијата Милан Божиќ за „Сат плус“ зборел за тоа што ги поттикнало да работат на развој и изработка на еден таков автомобил. Тој напоменувајќи дека во составот на тој центар работат повеќе од стотина инженери и 12 доктори на наука, рекол дека фирмата во технолошка смисла претставува една од најсилните компании во регионот, па и пошироко.

„Од друга страна, го имаме и Машинскиот факултет во Белград којa е една од најдобрите научни институции во земјата. Од таму доаѓаат исклучително добри инженери, а ние како фирма помагаме да се формулира финалниот проект. Од навистина добри студенти, ние за себе ги бираме најдобрите инженери“, рекол Божиќ.