Протести во Индонезија на денот на годишнината на Западна Папуа

epa08853966 A Free Papua activist holds a placard which reads: 'Freedom is the right of all nations' during a protest to mark the Free Papua Organization anniversary in Jakarta, Indonesia, 01 December 2020. Dozens of activists staged a rally demanding the government to provide freedom for the people of Papua. EPA-EFE/MAST IRHAM

Стотици граѓани на Западна Папуа денеска се собраа да протестираат во најмалку осум индонезиски градови, барајќи независност, соопшти сепаратистичката група која во егзил формираше „привремена влада”.

Протестите беа организирани на 59-годишнината од денот кога Западна Папуа побара независност од Холандија, што доведе до контроверзен референдум осум години подоцна, со кој покраината беше ставена под индонезиска контрола.

Демонстрантите, повеќе од 100 студенти, носеа транспаренти со кои се бараше право на самоопределување, а протестите се совпаднаа со изјавата на Обединетото движење за ослободување на Западна Папуа дека е формирана привремена влада во егзил, предводена од лидерот на опозицијата во егзил Бени Венда.

Портпаролот на Министерството за надворешни работи на Индонезија изјави дека статусот на Западна Папуа како дел од Индонезија, наследничка на холандската држава, е конечен и дека процесот на интеграција е надгледуван од Обединетите нации.

Минатата година имаше повремени и смртоносни напади во Западна Папуа, во кои се судрија безбедносните сили и староседелците, а ОН во понеделникот изразија загриженост за ескалацијата на насилството во регионот. 

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот