Осомничениот за вчерашното пукање во њујоршкото метро е уапсен во Менхетен, соопшти њујоршката полиција. Станува збор за 62-годишниот Афроамериканец Френк Џејмс кој според полицијата се сомничи дека ја извршил престрелката во подземната железница во Њујорк во која беа повредени најмалку 16 лица.

Според американските медиуми состојбата со повредените од вчерашниот настан се стабилизира и се очекува сите лица да ги преживеат повредите, соопшти полицијата, додавајќи дека напаѓачот веднаш побегнал од местото, дека најверојатно дејствувал сам и дека се уште не е познат мотивот за нападот.

BREAKING: New York City subway attack suspect Frank James is in custody.#NewYork #brooklyn #nypd #breaking #SubwayStation #brooklynsubway #nyc#SunsetPark #BreakingNews #Arizona #FrankJames #uhaul #fbi pic.twitter.com/rR28tHAsNJ

— NY Actions (@NY_ACTIONS) April 13, 2022

Градоначалникот на Њујорк, Ерик Адамс, изјави за Ви-си-би-ес Радио дека дел од истрагата покажала дека има дефект во системот на камерите за надзор и дека деновиве се очекува целосно расветлување на случајот. Адамс посочи дека службите се обидуваат да утврдат дали само една камера била расипана или дали камерите се расипале на целата станица на метрото.

Footage shows panicked crowds on New York City train after Brooklyn subway shooting https://t.co/qEWeLEAUob pic.twitter.com/34A3hMghXd

— BBC News (World) (@BBCWorld) April 12, 2022

Тој додаде дека е во контакт со службата која стопанисува со метрото и наскоро треба да се знаат повеќе детали. Началникот на полицијата Кичант Севел изјави дека засега настанот не се третира како терористички напад.