Големи полициски сили го затвораат Њујорк, напаѓачот сѐ уште во бегство
Неколку часа по нападот во њујоршкото метро во кој засега бројката на повредени од престрелката се искачи на 16 лица, полицијата сѐ уште трага по напаѓачот, додека големи полициски сили превентивно го затвораат градот по блокови.
Медиумите повикувајќи се на сведочења на очевидци од настанот кој се случи на 36-та улица во населбата Сансет Парк во Бруклин, јавуваат дека сторителот по пукањето кој бил средновечен маж облечен во портокалов градежен елек и гас-маска, фрлил канистер за чад на платформата за излез од метрото за да го одвлече вниманието на толпата во сообраќајниот метеж .
Џон Милер началник во њујоршката полиција на прес-конференција, соопшти дека напаѓачот е сѐ уште во бегство а поради чувствителноста на истрагата нема да се објавуваат детали за процесот.
– Во моментов соработуваме со сите безбедносни агенции и градските власти за да се дојде до сторителот побрзо. Ја уверуваме јавноста и граѓаните дека нема никакви бомби дополнителни поставени во градот, а нападот засега не е окарактеризиран како терористички чин – истакна Милер.
Watch as NYPD Executives and City and State Officials provide an update on the shooting incident in Brooklyn. https://t.co/xGGlDJ6UQI
— NYPD NEWS (@NYPDnews) April 12, 2022
Њујоршката полиција за напаѓачот кратко информираше дека станува збор за афроамериканец при тоа не прецизирајќи никакви детали за лицето кое го стори пукањето во метрото.
Според советникот Алексеј Авилес, кој ја претставува областа каде се случи нападот во Њујорк, сите локални училишта во мометов поради претпазливост се затворени.
Белата куќа соопшти дека претседателот Џо Бајден бил информиран за инцидентот и дека е во комуникација со официјални претставници на Њујорк.
Инаку Њујорк се соочи со серија престрелки и инциденти во последните месеци, вклучително и на градската железница. Еден од најшокантните беше во јануари, кога непознато лице турна жена под воз.