„Хари и Меган ја сакаат Канада, но разгледуваат и куќи во Лос Анџелес. Најверојатно ќе имаат куќи во двете места“, тврди близок пријател на младиот пар.

Меган има многу пријатели и роднини во својот роден град Лос Анџелес, па затоа не е чудно што парот сака да поминува повеќе време и таму.

Кралскиот пар верува дека Лос Анџелес е совршен за нивниот опуштен животен стил и дека ќе поминуваат повеќе време во природа, планинарење и прошетка, пренесува „Мирор“. 

Принцот Хари и Меган Марл моментално живеат во изнајмена луксузна вила во Ванкувер, а за да ја зголемат безбедноста, тие поставиле камери насекаде околу вилата, како и на плажата. 

Вилата е опкружена со голема бела церада, со цел фотографите да не можат да ги фотографираат, а минатиот месец адвокатите на Хари и Меган и јавно ги предупредија папараците дека немаат право да ја нарушуваат приватноста на парот.