Истражниот комитет, највисоката руска истражна агенција, презеде низа чекори за да ги открие деталите околу денешниот масакар во концертната сала во Москва, изјави портпаролката на Рускиот истражен комитет Светлана Петренко.

Таа додаде дека претседателот на Комитетот, Александар Бастрикин, веќе работи на местото на настанот.

Според руските медиуми, неколку вооружени напаѓачи упаднале во концертната сала, одвориле силен оган од автоматско оружје врз присутните, а активирале и најмалку две експлозии при што настана голем пожар во објектот кој се уште е активен.

На местото се уште се врши евакуација на повредените, а во акцијата се вклучени и хеликоптери на итната медицинска помош.

Се верува дека бројот на жртви би можело да биде многу поголем со оглед дека салата била со капацитет од над 6.000 лица.

Се верува и дека некои од нив биможело да бидат заглавени во објектот поради пожарот.