Премија од 4,5 милиони евра доколку фудбалерите се пласираат на Мундијалот во Катар
Македонската А репрезентација ја дели една победа од историски пласман на Светското првенство во Катар 2022.
Последна пречка е Португалија против која избраниците на селекторот Благоја Милевски ќе ги одмерат силите денеска од 20.45 часот во Порто.
Неофицијално, Фудбалската федерација на Македонија (ФФМ) им вети премија на фудбалерите од 4,5 милиони евра доколку се пласираат на СП.
Потсетување дека премиерот на нашата земја, Димитар Ковачевски пред полетувањето за Порто им вети на репрезентативците премија од 500.000 евра доколку ја остварат целта.
Потсетување дека од ФФМ за пласман на Европското првенство кое се одржа од лани и на кое дебитиравме, фудбалерите и стручниот штаб добија четири милиони и 200.000 евра, што беше најголемата премија во историјата на македонскиот спорт.